Il-President Ċiniż Xi Jinping ingħata merħba sabiħ f’Pyongyang waqt l-ewwel żjara tiegħu fil-Korea ta’ Fuq f’seba’ snin. Huwa ntlaqa’ mill-mexxej tal-Korea ta’ Fuq Kim Jong Un u martu Ri Sol Ju, kif ukoll b’gwardja tal-unur u folol ta’ nies li bdew ixejru bnadar Ċiniżi u tal-Korea ta’ Fuq.
Il-President Xi faħħar ir-relazzjonijiet bejn iċ-Ċina u l-Korea ta’ Fuq, li qal li jinsabu “f’punt tat-tluq storiku ġdid” u li ż-żewġ pajjiżi kienu qed iġorru “missjonijiet ġodda taż-żmien”.
Iż-żjara tiegħu f’Pyongyang qed issir jiem wara attività diplomatika qawwija f’Beijing. Dan ix-xahar, Xi laqa’ żewġ mistednin prominenti fiċ-Ċina: il-President tal-Istati Uniti Donald Trump u l-President Russu Vladimir Putin, fuq żjarat statali separati.
