Saturday, March 2, 2024

It-team nazzjonali Malti tal-Futsal fi Grupp C fir-rawnd preliminari tal-Euro 2026

Aqra wkoll

It-team nazzjonali tal-Futsal se jilgħab fi Grupp C fir-rawnd preliminari tal-Euro 2026 hekk kif ittellgħu l-poloz tard nhar il-Ħamis.

Kollha imħejjija għall-azzjoni bejn it-8 u s-17 ta’ April, bl-Iżvizzera, Ġibiltà, u l-Iskozja, kollha ġew fl-istess grupp ta’ Malta.

L-aqwa żewġ naħat fil-grupp se jgħaddu għar-rawnd prinċipali. L-ospitant ta’ dan il-mini-tournament ta’ erba’ timijiet għad irid jiġi determinat.

Intant il-preparamenti għal din il-kompetizzjoni tant mistennija għall-plejers Maltin bdew jiżdiedu aktar kmieni din il-ġimgħa b’kamp ta’ taħriġ ta’ erbat ijiem fl-Iskola Nazzjonali tal-Isport f’Pembroke.

Dan kollu jwassal għall-Futsal Week February Cup li se tibda l-Ħadd li ġej 28 ta’ Jannar sal-Ħadd 4 ta’ Frar 2024, u tilħaq il-qofol tagħha fir-Rawnd Preliminari ta’ Kwalifikazzjoni tal-UEFA Grupp C għal Malta f’April.

Sadanittant, il-kowċ tat-Tim Nazzjonali Gabriel Dobre aktar kmieni din il-ġimgħa ħabbar l-għażla tiegħu ta’ plejers, b’kollox 15 li bħalissa qed jaħdem magħhom, li qed jagħmlu taħriġ rigoruż qabel dan il-perjodu bieżel għat-tim nazzjonali Malti tal-Futsal.

Il-lista tal-plejers magħżula hija din:

Goalkeepers – Clint Mifsud u Brandon Debono.

Outfield players – Celino Alves, Michael Borg, Andre Cachia, Giancarlo Sammut, Andre Ciancio, Steven Camilleri, Mark Zammit, Maicon Da Silva, Andy Mangion, Karl Luke Schembri, Cleaven Portelli, Marrwan Telisi, Collin Sammut.

Ekonomija

Sport