Id-Deputat Nazzjonalista Jason Azzopardi f’kitba fuq Facebook allega li hemm Nazzjonalisti li qegħdin jagħtu informazzjoni ħażina lil dawk li qegħdin iċemplu għall-istħarriġ.
Azzopardi kiteb li wara li aktar kmieni għamel l-appell tiegħu lill-poplu biex jikkontribwixxi bil-vot tiegħu rċieva messaġġ mingħand Nazzjonalist li qabel ma’ dak li kien għadu kemm qal.
Il-kliem mibgħut f’dan il-messaġġ li Azzopardi qiegħed jgħid li rċieva jgħid li l-persuna li bagħtitu ġiet mistoqsija darbtejn fuq il-mowbajl tal-mara u tiegħu rigward id-deċiżjoni tagħhom u qalilhom li se jivvota lill-Partit Laburista meta dan mhuwiex minnu.
Il-messaġġ itemm jgħid li minkejja dan kollu, in-Nazzjonalisti hemm bżonn jgħollu l-moral għax hawn ħafna nies “donnhom imwerwrin”.
Il-messaġġ, la jindika minn min intbagħat u lanqas lil min kien indirizzat, anke minħabba dik li tista’ tkun raġuni ta’ sigurtà.
