L-attakkant żagħżugħ ta’ Liverpool Jayden Danns iffirma kuntratt fit-tul mal-klabb minn Anfield Road sabiex aċċerta ruħu minn futur mill-isbaħ. Danns għandu 18-il sena u s’issa ngħata d-debutt matul dan l-istaġun minn kowċ Jurgen Klopp u lagħab darbtejn mat-tim tal-kbar.
Danns hu membru regolari fit-tim nazzjonali ta’ taħt it-18-il sena u hu meqjus bħala plejer ta’ talent u bix-xamma tal-gowl.
L-istess Klopp faħħar il-kwalitajiet tekniċi li għandu dan il-plejer li qed jitqies fil-futur tar-Reds.
