San Ġiljan ASC ħabbru li Jeremy Abela ġedded il-kuntratt tiegħu mal-klabb.
Meqjus bħala wieħed mill-aktar ‘centres’ prominenti f’Malta, Jeremy joffri esperjenza kbira lit-tim, hekk kif irrappreżenta lit-tim nazzjonali ewlieni ta’ Malta għal diversi snin.
Minn mindu ngħaqad ma’ San Ġiljan, ‘Znoq’ kellu rwol fundamentali f’wieħed mill-aktar perjodi ta’ suċċess tal-klabb; huwa kkontribwixxa għar-rebħ ta’ disa’ trofej domestiċi impressjonanti u għen lit-tim jasal sal-fażi tal-aħħar tmienja (Final 8) tal-European Aquatics Challenger Cup fl-istaġun li għadda.
Fi stqarrija, San Ġiljan ASC, qalu li jinsabu kuntenti ħafna li ‘Znoq’ se jkompli l-vjaġġ tiegħu ma’ San Ġiljan u qed jistennew bil-ħerqa li jiksbu aktar suċċessi flimkien.
