Il-wirjiet relatati mal-Ġimgħa l-Kbira jibqgħu element importanti fl-attivitajiet tal-Ġimgħa Mqaddsa. Ħafna mix-xogħlijiet ta’ minjaturi ta’ statwi u anke vari li hemm imxerrda f’dawn il-wirjiet ġew maħduma lokalment u għalhekk huwa xieraq li wieħed japprezza l-arti u l-ħila ta’ dawn in-nies dedikati.
Dawn il-wirjiet m’għadhomx biss isiru mill-għaqdiet reliġjużi imma anke nies privati fid-djar tagħhom stess. Xhieda ta’ kemm il-Ġimgħa l-Kbira hija importanti u prominenti fil-kalendarju Nisrani tal-Knisja Kattolika.
L-Orizzont ħa l-okkażjoni biex f’dawn il-jiem iżur uħud minn dawn il-wirjiet fosthom dik imtella’ fil-Kunsill Lokali tal-Belt Valletta, oħra mtella’ mill-Għaqda Wirjiet San Ġużepp Ħaddiem ta’ Birkirkara u wirja minn John Sciberras fi Triq San Pawl, il-Belt Valletta.
