Raġel ta’ 49 sena residenti Ħal Luqa ndarab gravi wara li tilef il-kontroll u baqa’ dieħel ġo arblu tad-dawl.
L-inċident seħħ lbieraħ għall-ħabta tal-4.30p.m., f’Dawret il-Gudja, il-Gudja.
Flimkien max-xufier kien hemm mara ta’ 40 sena minn Ħal Luqa.
Iż-żewġ persuni ttieħdu l-Isptar Mater Dei għall-kura fejn ir-raġel ġie ċċertifikat li weġġa’ gravi filwaqt li l-mara ndarbet ħafif.
L-investigazzjonijiet tal-Pulizija għadhom għaddejjin.