Bosta kienet dawk li fakkru l-14-il sena mill-mewt traġika ta’ Fr Renè Cilia li kien tilef ħajtu f’inċident tat-traffiku hekk kif kien qiegħed isuq biex imur iqaddes il-quddiesa tas-7.00am.
Fr Cilia miet mal-impatt meta tilef il-kontroll tal-karozza tiegħu fit-Triq Tal-Barrani, iż-Żejtun, fl-4 ta’ Novembru għall-ħabta tas-6.30am.
Huwa kien fi triqtu mid-dar tiegħu fil-Qormi lejn iż-Żejtun, fejn dan l-aħħar kien inħatar bħala viċi arċipriet.
Il-pulizija kienet qalet li l-inċident seħħ meta l-karozza li fiha kien hemm Fr Cilia telgħet fuq central stip, għaddiet għall-karreġġjata opposta u ħabtet ma’ żewġ karozzi li kienu ġejjin mid-direzzjoni l-oħra.
Ix-xufier ta’ waħda mill-karozzi lkien sofra ġrieħi gravi, iżda ma kienx f’qagħda kritika, filwaqt li l-passiġġier li kien miegħu sofra ġrieħi ħfief.
Ix-xufier tal-karozza l-oħra ma kien sofra l-ebda ġrieħi.