Tfajla ta’ 15-il sena kienet sfurzata tidħol fil-prostituzzjoni u anke ġiet stuprata minn kważi 900 raġel wara li anke ġiet “irriklamata” fuq l-internet fi Franza
Skont il-pulizija, it-tfajla ta’ 15-il sena kienet vittma tat-traffikar tal-bnedmin u ġiet sfruttata twettaq atti sesswali f’diversi bliet Franċiżi għal erba’ xhur sħaħ.
Allegatament, hija kienet sfurzata taħdem taħt theddida ta’ vjolenza, u b’hekk l-aggressuri tagħha ġġeneraw madwar 60,000 ewro f’erba’ xhur biss.
Skont il-mezz tal-midja Franċiża, raġel u tifel ġew arrestati u akkużati b’rabta ma’ dan il-każ orribbli x-xahar li għadda.
Il-pulizija bdiet investigazzjoni wara li omm it-tfajla rrappurtat l-għajbien tagħha fir-reġjun ta’ Puget-sur-Argens f’Mejju ta’ din is-sena.
L-omm kienet beżgħana li bintha kienet qed tinżamm kontra r-rieda tagħha f’Marsilja. Ftit jiem biss wara l-bidu tal-investigazzjoni, uffiċjali mill-iskwadra tal-pulizija kontra l-vizzji u l-prostituzzjoni f’Marsilja rnexxielhom isibu lit-tfajla.
Skont il-pulizija, hija kienet vittma ta’ netwerk tal-prostituzzjoni kbir, fejn iż-żewġ suspettati kienu jimponulha miri finanzjarji ta’ kuljum.
Il-pulizija qalet li t-tfajla kienet sfurzata tipprattika l-prostituzzjoni fir-reġjuni ta’ Var u Alpes-Maritimes bejn Frar u Mejju tal-2026.
Fuq l-internet kienu jitpoġġew reklami biex jattiraw lill-irġiel, filwaqt li kienu jinkrew lukandi u appartamenti sabiex isiru l-laqgħat mat-tfajla u anke tagħmel is-sess mal-irġiel.
Skont ir-rapport, it-tfajla kienet tinżamm taħt sorveljanza kontinwa biex jiġi żgur
