Erling Haaland, Katarina Johnson-Thompson u Jude Bellingham huma fost in-nominati għal Laureus World Sports Awards 2024.
Manchester City jinsabu fil-kompetizzjoni għat-Team tas-Sena u l-attakkant Haaland jinsab kandidat għall-Isportiv tas-Sena.
Iċ-champion tad-dinja darbtejn tal-heptathlon, il-Britannika Johnson-Thompson ġiet nominata għar-Rimonta tas-Sena.
Il-midfielder tal-Ingilterra u Real Madrid, Bellingham, u ċ-champion tad-dinja tal-1500m, il-Brittaniku, Josh Kerr, ġew magħżula għall-premju tal-b/through.
Haaland, 23 sena, skorja 52 goal fi 53 logħba matul l-istaġun tad-debutt tiegħu hekk kif is-City lestew it-Treble billi rebħu l-Premier League, l-FA Cup u ċ-Champions League.
L-attakkant tal-Arġentina u Inter Miami, Lionel Messi, ir-rebbieħ tas-sena l-oħra, reġa’ jinsab fit-taqtiegħa tal- Isportiv tas-Sena.
Johnson-Thompson ta’ 30 sena rebħet id-deheb fil-Kampjonati tad-Dinja tas-sena l-oħra fl-Ungerija.
Fl-2019 hija beżgħet li l-karriera tagħha spiċċat meta qatgħet l-Achilles. Hija ttieħdet barra mill-korsa f’siġġu tar-roti fl-Olimpjadi ta’ Tokyo 2020 b’muskolu tal-pexxul imċarrat.
Iskoċċiż Kerr ta’ 26 sena għeleb lill-favorit Jakob Ingebrigtsen biex is-sena l-oħra rebaħ it-titlu mondjali tal-1500m f’Budapest.
Bellingham, ta’ 20 sena, sar player ewlieni ta’ Real wara t-trasferiment ta’ €103 miljun mingħand Borussia Dortmund fis-sajf li għadda, fejn skorja 20 goal f’29 logħba dan l-istaġun.
Il-jockey Brittannika tal-BMX, Beth Shriever, ta’ 24 sena, reġgħet ġiet nominata għall-premju ta’ Sportsperson ta’ Azzjoni li rebħet fl-2022. Is-sena l-oħra żiedet it-titlu dinji mal-kuruna Olimpika tagħha.
It-Team Europe rebbieħ tar-Ryder Cup ġie nominat għat-Team tas-Sena.
Ir-rebbieħa se jiġu ppremjati fit-22 ta’ April.
Ġurnalisti u xandara għażlu n-nominati u l-Laureus World Sports Academy, li fiha diversi leġġendarji sportivi, se tivvota għar-rebbieħa.
In-nominazzjonijiet huma:
SPORTIV TAS-SENA
Novak Djokovic (Serbja) – tennis
Mondo Duplantis (Svezja) – atletika
Erling Haaland (Norveġja) – football
Noah Lyles (Stati Uniti) – atletika
Lionel Messi (Arġentina) – football
Max Verstappen (Olanda) – karozzi
SPORTIVA TAS-SENA
Aitana Bonmati (Spanja) – football
Shericka Jackson (Ġamajka) – atletika
Faith Kipyegon (Kenja) – atletika
Sha’Carri Richardson (Stati Uniti) – atletika
Mikaela Shiffrin (Stati Uniti) – skiing
Iga Swiatek (Polonja) – tennis
TEAM TAS-SENA
Team Europe tar-Ryder Cup – golf
Irġiel Ġermanja – basketball
Manchester City – football
Red Bull – Formula 1
Afrika t’Isfel – rugby
Spanja nisa – football
RIKKORS TAS-SENA
Jude Bellingham (GB) – football
Linda Caicedo (Kolombja) – football
Coco Gauff (Stati Uniti) – tennis
Qin Haiyang (Ċina) – għawm
Josh Kerr (UK) – atletika
Salma Paralluelo (Spanja) – football
RIMONTA TAS-SENA
Simone Biles (Stati Uniti) – ġinnastika
Sebastien Haller (Ivory Coast) – football
Katarina Johnson- Thompson (GB) – atletika
Siya Kolisi (Afrika t’Isfel) – rugby
Jamal Murray (Kanada) – basketball
Marketa Vondrousova (Rep. Ċeka) – tennis
SPORTIV TAS-SENA B’DIŻABBILTÁ
Simone Barlaam (Italja) – għawm
Danylo Chufarov (Ukrajna) – għawm
Diede de Groot (Olanda) – tennis
Luca Ekler (Ungerija) – atletika
Nicole Murray (New Zealand) – ċikliżmu
Markus Rehm (Ġermanja) – atletika
SPORTIV TA’ AZZJONI TAS- SENA
Rayssa Leal (Brażil) – skateboarding
Caroline Marks (Stati Uniti) – surfing
Kirsten Neuschafer (Afrika t’Isfel) – tbaħħir
Bethany Shriever (GB) – BMX
Filipe Toledo (Brażil) – surfing
Arisa Trew (Awstralja) – skateboarding
SPORT GĦALL-ĠID
Bola Pra Frente (Brażil) multi-sport u impjegabilità
Dancing Grounds (Stati Uniti) – żfin u integrazzjoni soċjali
Fundacion Rafa Nadal (Spanja) – tennis u edukazzjoni
ISF Cambodia – football u edukazzjoni
Justice Desk Africa (Afrika t’Isfel) – multi-sport u drittijiet tal-bniedem
Obiettivo Napoli (Italja) – multi-sport u inklużjoni
