Wara li wassal l-ewwel eroj tiegħu tas-Socceroos fi stadium imsemmi għas-supereroj tal-films, Joe Gauci ma setax ma jħossux bħala l-karattru prinċipali tal-film tiegħu stess.
Il-goalkeeper ta’ dixxendenza Maltija ta’ 22 sena li jilgħab ma’ Adelaide United għamel il-każ tiegħu biex ikun is-sostitut ta’ Mat Ryan fid-debutt internazzjonali tiegħu fil-Marvel Stadium nhar it-Tlieta filgħaxija, fejn impressjona bi tliet saves kruċjali fit-telfa ta’ 2-1 kontra l-Ekwador.
Kien l-istess post fejn għamel id-debutt tiegħu fl-A-League għal Adelaide, bil-familja u t-tfajla tiegħu preżenti f’Marzu 2021.
“Din kienet l-ewwel ħaġa li ħsibt fiha meta lejliet il-logħba l-coach Graham Arnold qalli li kont se nilgħab,” qal Gauci lill-ġurnalisti.
“Inħossha xi ftit bħal film, nissoponi, li huwa l-istess post.”
Magħżul wara li Ryan kien mistrieħ b’injury minuri fil-groin, Gauci ħa l-football internazzjonali bħal papra fl-ilma.
Huwa niżel fil-baxx b’id waħda biex ċaħħad b’mod spettakolari lil Kevin Rodriguez fir-raba’ minuta, tajjar sforz ieħor ta’ Rodriguez fit-22 minuta u waqqaf lil Felix Torres mill-corner li seħħ wara.
Iżda huwa ma seta’ jagħmel xejn biex iwaqqaf il-penalty ta’ Pervis Estupinan fit-53 minuta, u lanqas id-daqqa ta’ ras eċċellenti ta’ William Pacho minn corner 12-il minuta wara.
“Fl-A-League jkolli ħames minuti frenetiċi fil-bidu tal-logħba u hekk marret għal 90 minuta,” qal Gauci.
“Ma tantx dehret li waqfet sakemm instemgħet is-suffara finali.”
Gauci qal li kien irċieva ħafna appoġġ miż-żewġ goalkeepers Ryan u Andrew Redmayne u l-istaff tal-coaches.
“Huma qaluli biex nagħmel dak li nagħmel kull ġimgħa għal Adelaide, nilgħab il-logħba tiegħi, ma nippruvax inkun xi ħadd li m’inix, nissoponi, u nilgħab għas-saħħa tiegħi,” tenna Gauci.
“Ħassejt li stajt nagħmel dan illejla.”
Gauci ma kienx se jkun miġbud fuq it-tamiet tiegħu li jilgħab iktar logħbiet għas-Socceroos, minflok iħares lejn tmiem b’saħħtu għall-istaġun u jippretendi li jirbaħ il-fidda ma’ Adelaide.
“Wara dan, jekk nista’ niġi ppremjat b’opportunità oħra li nirritorna lura fil-kamp, din hija xi ħaġa li nkun nistenna bil-ħerqa, iżda fl-istess ħin, din għandha x’taqsam mal-forma mal-club tiegħi,” tenna Gauci.
“Kien debutt meraviljuż u wieħed li se jpoġġih f’post tajjeb għall-futur,” qal Arnold.
“Għax issa huwa jħoss li fil-fatt jappartjieni u dik hija waħda mill-akbar affarijiet … u hemm ħafna aktar ġej għalih.”