Joseph Tabone ta’ Għaxaq sar Champion ta’ Malta tal-Knock-Out Individwali tal-boċċi għall-ħames darba fil-karriera tiegħu wara li fil-finali għeleb lil Owen Bezzina ta’ St Peter’s Żabbar 21-15.
Il-finali ntlagħbet fil-pitch ta’ Bormla quddiem attendenza sabiħa ta’ dilettanti ta’ din il-logħba tradizzjonali Maltija.
Għal Tabone dan kien suċċess ieħor prestiġjuż f’karriera mimlija unuri. Huwa kien diġà rebaħ din il-kompetizzjoni fl-2015, 2022, 2023 u 2024, biex issa żied it-titlu tal-2026.
Min-naħa tiegħu, Bezzina kien qed jilgħab fl-ewwel finali tiegħu.
Il-konfront kien ikkontrollat mir-referee Dillon Abela, assistit minn Redeemer Azzopardi.
Fi tmiem il-finali saret il-preżentazzjoni tal-unuri mill-President tal-Federazzjoni Klabbs tal-Boċċi, CJ Saliba, lil Tabone bħala champion kif ukoll lill-finalist Owen Bezzina.
