Arsenal bidlu l-attenzjoni tagħhom minn Julian Alvarez, hekk kif l-attakkant ta’ Atletico Madrid mistenni jibqa’ fi Spanja.
Il-Gunners m’għadhomx ottimisti dwar it-trasferiment tiegħu, sakemm ma jkunx hemm bidla fl-aħħar mumenti mill-player.
L-assenza ta’ Alvarez mit-taħriġ għal tlett ijiem konsekuttivi minħabba “li ma kienx jiflaħ” kienet qajmet it-tamiet ta’ Arsenal li jieħduh fit-Tramuntana ta’ Londra.
L-Arġentin irid jitlaq minn Atletico u Barcelona hija d-destinazzjoni tal-ħolm tiegħu, iżda Atletico mhumiex lesti jbigħuh lill-club Katalan.
Arsenal kienu ilhom jiġbru informazzjoni dwar Alvarez biex jaraw jekk jaqbilx mal-profil tat-team, inkluż l-istorja ta’ injuries tiegħu, il-kundizzjoni fiżika u l-prestazzjonijiet tiegħu fil-ground.
Ir-riżultati kienu pożittivi ħafna u Mikel Arteta jrid lill-player. Alvarez saħansitra ġie mgħajjar mill-partitarji ta’ Atletico qabel u wara logħba kontra Villarreal.
