Saturday, March 2, 2024

L-Awtoritajiet Maltin jidentifikaw każ ta’ ħtif ta’ minorenni mill-Isvezja

Aqra wkoll

Fl-aħħar sigħat l-Awtorità Ċentrali (Central Authority), li hija parti mill-Awtorità tal-Istandards tal-Ħarsien Soċjali, ġiet infurmata b’allegat każ ta’ ħtif ta’ tifla ta’ sena mill-Isvezja.

Jirriżulta li l-ġenituri tat-tifla kienu mwaqqfa fl-Ajruport Internazzjonali ta’ Malta mill-Pulizija wara li ħarbu bit-tifla mill-Isvezja. Dan fl-istess waqt illi l-Awtoritajiet Żvediżi ħarġu ordni ta’ protezzjoni fuq it-tifla.

L-Awtorità Ċentrali bħalissa għaddejja b’ħidma flimkien mad-Direttorat tal-ħarsien tat-Tfal fl-FSWS, kif ukoll mal-Awtoritajiet Żvediżi sabiex isiru l-arranġamenti neċessarji sabiex il-minorenni tkun tista’ tmur lura lejn pajjiżha.

Bħalissa t-tifla qiegħda fil-kura tal-Awtoritajiet Maltin u qed tingħata l-kura u l-assistenza kollha meħtieġa.

Ekonomija

Sport