Minn Cristian Muscat
Hekk kif Floriana rebħu l-Yo Health Malta Premier, isem wieħed li spikka fil-qalba tad-difiża kien dak ta’ Owen Spiteri.
Iż-żagħżugħ Malti ta’ 23 sena kien parti importanti mis-suċċess storiku fil-Finalissima tal-YoHealth Malta Premier kontra Marsaxlokk FC is-Sibt li għadda, rebħa li tat lill-Greens is-27 kampjonat fl-istorja tagħhom.
Spiteri, li ilu ma’ Floriana FC mill-2021 u ffirma kuntratt li jmur sal-2027, tkellem dwar logħba mimlija emozzjoni, pressjoni u fuq kollox fidi li wieħed jasal fejn jixtieq.
Għalkemm Floriana kienu minn taħt fl-ewwel taqsima, il-mentalità tat-tim kienet li qatt ma jaqtgħu qalbhom.
“Dawwarna r-riżultat għax bqajna nemmnu sal-aħħar,” qal Spiteri. “Sofrejna ħafna fl-ewwel taqsima, speċjalment kontra r-riħ u kontra tim bħal Marsaxlokk li kienu organizzati u aggressivi. Imma aħna dejjem emminna li nistgħu nirritornaw fil-logħba.”
Il-finali, li ntlagħbet quddiem aktar minn 6,000 spettatur fl-Istadium Nazzjonali, kienet waħda drammatika u kontroversjali. Marsaxlokk fetħu l-iskor wara 36 minuta u dehru fil-kontroll għal partijiet twal tal-logħba, iżda Floriana għamlu reazzjoni fit-tieni taqsima u ħarġu b’enerġija ġdida.
Spiteri spjega kif il-mument kruċjali ma kienx biss il-gowl tal-bidu li bih bdew ir-rimonta, iżda l-attitudni li żammew bħala grupp matul il-logħba kollha.
Spiteri kompla jispjega kif din ir-rebħa kienet ukoll riżultat ta’ ħafna xogħol li jsir barra mill-grawnd, speċjalment fid-difiża fejn id-dettall jagħmel differenza kbira f’finali bħal din. Hu saħaq li bħala difensur ċentrali trid tkun kontinwament konċentrat, anke meta t-tim ikun qed jattakka jew meta jkun taħt pressjoni.
“F’dawn il-logħbiet ma tistax titlef l-attenzjoni lanqas għal sekonda. Marsaxlokk kienu perikolużi ħafna fuq il-kontrattakki u għalhekk aħna bħala difensuri kellna nkunu kumpatti u nikkomunikaw kontinwament,” qal Spiteri.
Huwa spjega wkoll kif il-fiduċja bejn il-plejers kienet fattur kruċjali matul l-istaġun kollu, mhux biss fil-finali. Skontu, it-tim kiber logħba wara logħba u dan wassal biex f’mumenti diffiċli dejjem sabu r-riżorsa mentali biex jirreaġixxu.
“Dan it-tim għandu karattru speċjali. Anke meta konna taħt pressjoni f’partiti oħra matul l-istaġun, qatt ma qtajna qalbna. Dejjem sibna mod kif nerġgħu nidħlu fil-logħba u nirbħu jew nieħdu riżultat pożittiv.”
Spiteri rrefera wkoll għall-importanza tal-esperjenza li qed jikseb ma’ Floriana, speċjalment f’età relattivament żgħira, fejn qed jilgħab kontra plejers ta’ livell għoli u taħt pressjoni kbira tal-kampjonat.
“Għalija personali dan huwa pass kbir fil-karriera. Titgħallem ħafna kuljum, minn taħriġ, minn logħbiet u anke minn żbalji. Dak huwa l-iktar importanti fil-futbol: li tikber bħala plejer u bħala persuna.”
Fl-aħħar, huwa saħaq li l-għan tiegħu hu li jkompli jkun parti minn proġett ta’ suċċess ma’ Floriana kemm fil-kampjonat kif ukoll fl-Ewropa, fejn jara sfidi akbar iżda wkoll opportunitajiet ġodda biex juri l-livell tiegħu.
“Meta tiltaqa’ ma’ diffikultà fil-finali, trid tibqa’ kalm. Aħna bqajna magħqudin u ħdimna bħala unità. Kull plejer kien jaf x’għandu jagħmel, u dan għamel differenza kbira.”
Il-gowl deċiżiv ta’ Kenan Dervišagić fil-ħin miżjud kien wieħed li għadu qed jiġi diskuss, iżda għal Spiteri, ir-riżultat finali huwa dak li jgħodd.
“Il-futbol kultant jagħtik dawn il-mumenti kontroversjali. Aħna nħarsu lejn il-prestazzjoni tagħna matul il-90 minuta u aktar. Naħseb li l-kampjonat ġie fejn kellu jmur iġifieri għand tim li kien konsistenti u li ma qatax qalbu.”
Floriana kienu wieħed mill-aktar timijiet konsistenti matul l-istaġun, u l-wirjiet tagħhom wasslu biex mhux biss jirbħu l-Opening u Closing Round, iżda wkoll jiddominaw il-punti kumulattivi tal-kompetizzjoni, li kieku kellhom jingħadu.
Spiteri enfasizza wkoll l-importanza tat-tmexxija teknika u l-istruttura ġdida fil-klabb, li fi kliemu kienet fundamentali għas-suċċess.
“Il-klabb għamel bidla kbira fil-bidu tal-istaġun. Kien hemm plejers ġodda, staff tekniku ġdid u anke mod ġdid ta’ kif naħdmu kuljum. Dan kollu ħoloq ambjent kompetittiv imma b’saħħtu ħafna.”
Huwa rringrazzja wkoll lill-partitarji li kienu preżenti u dawk li segwew lill-klabb matul l-istaġun kollu.
“Il-partitarji huma parti kbira minn dan is-suċċess. Meta tkun taħt pressjoni u tisma’ l-appoġġ tagħhom, jagħtuk saħħa żejda. Din ir-rebħa hija wkoll tagħhom.”
Għal Spiteri, dan it-titlu mhux biss kisba personali, iżda pass importanti fil-karriera tiegħu, li qed tkompli tikber ma’ wieħed mill-akbar klabbs f’Malta.
“Li tirbaħ kampjonat ma’ Floriana huwa dejjem speċjali. Huwa klabb bi storja kbira u aspettattivi kbar. Aħna konna konxji minn dan, u ħdimna kuljum biex nilħqu dan il-livell.”
Issa l-ħarsa ddur lejn il-futur, fejn Floriana se jilagħbu fil-UEFA Champions League u jkomplu jibnu fuq dan is-suċċess. Spiteri jaf li l-isfidi se jkunu akbar, iżda jemmen fil-potenzjal tal-grupp.
“L-Ewropa hija livell ieħor, imma jekk nibqgħu magħqudin u naħdmu bl-istess intensità, nemmen li nistgħu nagħmlu prestazzjonijiet tajbin. Dan it-tim għandu karattru.”
Filwaqt li l-ferħ tat-titlu għadu frisk, Owen Spiteri diġà qed iħares ‘il quddiem, lejn staġun ġdid, sfidi ġodda, u opportunitajiet ġodda biex ikompli jikteb l-istorja tiegħu ma’ Floriana FC.
‘Li tirbaħ kampjonat ma’ Floriana FC huwa dejjem speċjali’ – Owen Spiteri
Minn Cristian Muscat
Hekk kif Floriana rebħu l-Yo Health Malta Premier, isem wieħed li spikka fil-qalba tad-difiża kien dak ta’ Owen Spiteri.
Iż-żagħżugħ Malti ta’ 23 sena kien parti importanti mis-suċċess storiku fil-Finalissima tal-YoHealth Malta Premier kontra Marsaxlokk FC is-Sibt li għadda, rebħa li tat lill-Greens is-27 kampjonat fl-istorja tagħhom.
Spiteri, li ilu ma’ Floriana FC mill-2021 u ffirma kuntratt li jmur sal-2027, tkellem dwar logħba mimlija emozzjoni, pressjoni u fuq kollox fidi li wieħed jasal fejn jixtieq.
Għalkemm Floriana kienu minn taħt fl-ewwel taqsima, il-mentalità tat-tim kienet li qatt ma jaqtgħu qalbhom.
“Dawwarna r-riżultat għax bqajna nemmnu sal-aħħar,” qal Spiteri. “Sofrejna ħafna fl-ewwel taqsima, speċjalment kontra r-riħ u kontra tim bħal Marsaxlokk li kienu organizzati u aggressivi. Imma aħna dejjem emminna li nistgħu nirritornaw fil-logħba.”
Il-finali, li ntlagħbet quddiem aktar minn 6,000 spettatur fl-Istadium Nazzjonali, kienet waħda drammatika u kontroversjali. Marsaxlokk fetħu l-iskor wara 36 minuta u dehru fil-kontroll għal partijiet twal tal-logħba, iżda Floriana għamlu reazzjoni fit-tieni taqsima u ħarġu b’enerġija ġdida.
Spiteri spjega kif il-mument kruċjali ma kienx biss il-gowl tal-bidu li bih bdew ir-rimonta, iżda l-attitudni li żammew bħala grupp matul il-logħba kollha.
Spiteri kompla jispjega kif din ir-rebħa kienet ukoll riżultat ta’ ħafna xogħol li jsir barra mill-grawnd, speċjalment fid-difiża fejn id-dettall jagħmel differenza kbira f’finali bħal din. Hu saħaq li bħala difensur ċentrali trid tkun kontinwament konċentrat, anke meta t-tim ikun qed jattakka jew meta jkun taħt pressjoni.
“F’dawn il-logħbiet ma tistax titlef l-attenzjoni lanqas għal sekonda. Marsaxlokk kienu perikolużi ħafna fuq il-kontrattakki u għalhekk aħna bħala difensuri kellna nkunu kumpatti u nikkomunikaw kontinwament,” qal Spiteri.
Huwa spjega wkoll kif il-fiduċja bejn il-plejers kienet fattur kruċjali matul l-istaġun kollu, mhux biss fil-finali. Skontu, it-tim kiber logħba wara logħba u dan wassal biex f’mumenti diffiċli dejjem sabu r-riżorsa mentali biex jirreaġixxu.
“Dan it-tim għandu karattru speċjali. Anke meta konna taħt pressjoni f’partiti oħra matul l-istaġun, qatt ma qtajna qalbna. Dejjem sibna mod kif nerġgħu nidħlu fil-logħba u nirbħu jew nieħdu riżultat pożittiv.”
Spiteri rrefera wkoll għall-importanza tal-esperjenza li qed jikseb ma’ Floriana, speċjalment f’età relattivament żgħira, fejn qed jilgħab kontra plejers ta’ livell għoli u taħt pressjoni kbira tal-kampjonat.
“Għalija personali dan huwa pass kbir fil-karriera. Titgħallem ħafna kuljum, minn taħriġ, minn logħbiet u anke minn żbalji. Dak huwa l-iktar importanti fil-futbol: li tikber bħala plejer u bħala persuna.”
Fl-aħħar, huwa saħaq li l-għan tiegħu hu li jkompli jkun parti minn proġett ta’ suċċess ma’ Floriana kemm fil-kampjonat kif ukoll fl-Ewropa, fejn jara sfidi akbar iżda wkoll opportunitajiet ġodda biex juri l-livell tiegħu.
“Meta tiltaqa’ ma’ diffikultà fil-finali, trid tibqa’ kalm. Aħna bqajna magħqudin u ħdimna bħala unità. Kull plejer kien jaf x’għandu jagħmel, u dan għamel differenza kbira.”
Il-gowl deċiżiv ta’ Kenan Dervišagić fil-ħin miżjud kien wieħed li għadu qed jiġi diskuss, iżda għal Spiteri, ir-riżultat finali huwa dak li jgħodd.
“Il-futbol kultant jagħtik dawn il-mumenti kontroversjali. Aħna nħarsu lejn il-prestazzjoni tagħna matul il-90 minuta u aktar. Naħseb li l-kampjonat ġie fejn kellu jmur iġifieri għand tim li kien konsistenti u li ma qatax qalbu.”
Floriana kienu wieħed mill-aktar timijiet konsistenti matul l-istaġun, u l-wirjiet tagħhom wasslu biex mhux biss jirbħu l-Opening u Closing Round, iżda wkoll jiddominaw il-punti kumulattivi tal-kompetizzjoni, li kieku kellhom jingħadu.
Spiteri enfasizza wkoll l-importanza tat-tmexxija teknika u l-istruttura ġdida fil-klabb, li fi kliemu kienet fundamentali għas-suċċess.
“Il-klabb għamel bidla kbira fil-bidu tal-istaġun. Kien hemm plejers ġodda, staff tekniku ġdid u anke mod ġdid ta’ kif naħdmu kuljum. Dan kollu ħoloq ambjent kompetittiv imma b’saħħtu ħafna.”
Huwa rringrazzja wkoll lill-partitarji li kienu preżenti u dawk li segwew lill-klabb matul l-istaġun kollu.
“Il-partitarji huma parti kbira minn dan is-suċċess. Meta tkun taħt pressjoni u tisma’ l-appoġġ tagħhom, jagħtuk saħħa żejda. Din ir-rebħa hija wkoll tagħhom.”
Għal Spiteri, dan it-titlu mhux biss kisba personali, iżda pass importanti fil-karriera tiegħu, li qed tkompli tikber ma’ wieħed mill-akbar klabbs f’Malta.
“Li tirbaħ kampjonat ma’ Floriana huwa dejjem speċjali. Huwa klabb bi storja kbira u aspettattivi kbar. Aħna konna konxji minn dan, u ħdimna kuljum biex nilħqu dan il-livell.”
Issa l-ħarsa ddur lejn il-futur, fejn Floriana se jilagħbu fil-UEFA Champions League u jkomplu jibnu fuq dan is-suċċess. Spiteri jaf li l-isfidi se jkunu akbar, iżda jemmen fil-potenzjal tal-grupp.
“L-Ewropa hija livell ieħor, imma jekk nibqgħu magħqudin u naħdmu bl-istess intensità, nemmen li nistgħu nagħmlu prestazzjonijiet tajbin. Dan it-tim għandu karattru.”
Filwaqt li l-ferħ tat-titlu għadu frisk, Owen Spiteri diġà qed iħares ‘il quddiem, lejn staġun ġdid, sfidi ġodda, u opportunitajiet ġodda biex ikompli jikteb l-istorja tiegħu ma’ Floriana FC.