Lionel Messi ħabbar li rtira mill-football internazzjonali, u b’hekk temm karriera straordinarja ta’ 20 sena mat-team nazzjonali tal-Arġentina. Il-player ta’ 39 sena qal li d-deċiżjoni kienet ta’ wġigħ għalih, iżda jemmen li wasal iż-żmien biex jagħti ċans lil players żgħażagħ.
Messi jħalli lit-tim nazzjonali wara li rebaħ it-Tazza tad-Dinja fl-2022, żewġ titli tal-Copa America, il-Finalissima, midalja tad-deheb Olimpika u t-Tazza tad-Dinja ta’ Taħt l-20 sena.
F’207 dehriet mal-Arġentina, huwa skorja 125 goal u pprovda 68 assist, għal total impressjonanti ta’ 193 involviment f’goals. Minkejja l-età tiegħu, Messi baqa’ f’forma eċċellenti u għadu jispikka fl-MLS ma’ Inter Miami.
L-akbar kisba tiegħu tibqa’ r-rebħa tat-Tazza tad-Dinja tal-2022, li temmet snin ta’ diżappunti wara diversi telfiet f’finali importanti. Messi kien ilu jġorr fuq spallejh l-aspettattivi ta’ nazzjon sħiħ u finalment wassal lill-Arġentina għall-akbar unuri fil-football.
F’20 sena, huwa kiser għadd ta’ rekords u trofej bla qies … issa waħda mill-akbar epoki fl-istorja tal-football internazzjonali waslet fi tmiemha.
