Phoenix Netball ħabbru li Lucretia Hili se tkun qed tmexxi lit-tim bħala Kowċ għas-snin li ġejjin.
Lucretia mhijiex wiċċ ġdid fix-xena tan-Netball Malti, wara li rrappreżentat lil pajjiżna f’diversi tournaments internazzjonali matul ħafna snin filwaqt li bniet esperjenza vasta fl-isport.
Fi stqarrija, Phoenix Netball qalu li jemmnu bis-sħiħ li l-passjoni, it-tmexxija u l-esperjenza tagħha se jgħinu biex ikomplu jibnu u jiżviluppaw il-klabb fid-direzzjoni t-tajba, u issa jħarsu ‘l quddiem lejn din l-avventura eċċitanti.