Il-kowċ ta’ Paris St Germain Luis Enrique iddefenda l-għażla tiegħu li jbiddel lill-attakkant Kylian Mbappe fil-65 minuta tal-logħba kontra Marseille li t-tim tiegħu rebaħ 2-0. Minflok il-fenomenu Franċiż daħal Goncalo Ramos li wkoll ħalla impatt fil-partita.
Enrique qal li jiddejjaq jiġi ġġudikat fuq l-għażliet li jagħmel għalkemm tenna li hu l-kowċ u għalhekk id-deċiżjonijiet irid joħodhom hu.
Hu fatt magħruf li Mbappe se jitlaq lill-Pariġini b’ħafna kritiċi jsostnu li dan tal-aħħar jinsab ħerqan biex jingħaqad ma’ Real Madrid.
