Sunday, December 5, 2021

Lukanda ewlenija fil-Mellieħa bi proġett ta’ espansjoni ta’ €6.5 miljun f’pandemija

Aqra wkoll

Fl-aħħar xhur, il-lukanda Maritim fil-Mellieħa investiet €6.5 miljun fi proġett li jinkludi l-bini ta’  disgħa u ħamsin kamra ġdida addizzjonali mal-lukanda eżistenti kif ukoll ir-rinnovazzjoni tal-bini  anness mal-istess lukanda bi tliet kmamar oħra ġodda oħra li huma kollha inkorporati fi ħdan il Maritim Antonine Hotel & Spa.  

Dawn id-dettalji tħabbru f’konferenza tal-aħbarijiet mill-Ministru għat-Turiżmu u l-Protezzjoni tal Konsumatur Clayton Bartolo, fil-preżenza tad-Direttur tal-lukanda Maritim, Adrian Buttigieg.  

Il-ministru rrimarka li dan l-investiment ser jgħin biex jinkisbu standards ta’ kwalità għolja għat-turisti li jagħżlu lill-gżejjer Maltin bħala d-destinazzjoni għall-btala tagħhom.  

“L-għaqal tal-gvern għall-mod kif sab il-bilanċ bejn is-saħħa u l-għajxien tan-nies huwa riflessjoni  ta’ fiduċja u ta’ reżiljenza li qed juri s-settur privat. Għalhekk, huwa ta’ sodisfazzjon ninnota kif is settur tal-ospitalità mhux biss qed jirkupra iżda qed narawh jagħmel il-qabża li jmiss u jinvesti iżjed  fi prodott li jkun iżjed effiċjenti u ta’ kwalità,” kompla jgħid il-Ministru Clayton Bartolo.  

Ikkonkluda li dan l-investiment jikkumplimenta l-ħidma tal-gvern biex il-profil tal-Mellieħa fis-settur  turistiku jkompli tiela’ ’l fuq.  

Intant, is-Sur Buttigieg irrimarka li l-għajnuna kontinwa li ta l-gvern fl-aħħar xhur kienet ta’  importanza kbira biex il-lukanda Maritim tibqa’ għaddejja bil-ħidma tagħha u tissaħħaħ għaż-żmien  li ġej. 

Sport