Minn Cristian Muscat
Hibernians……….. 0
Valletta……………. 2
Valletta telgħu fl-ewwel post tal-klassifika, flimkien ma’ Mosta, meta għelbu lil Hibernians b’goal f’kull taqsima.
Il-Beltin kellhom bidu mill-aqwa hekk kif wara biss tliet minuti huma fetħu l-iskor meta minn azzjoni ta’ corner, EMMANUEL MOISE MBENDE kellu d-daqqa ta’ ras tiġi salvata parzjalment mill-goalkeeper, Matteo Cardinali, biex mir-rebound, l-istess Mbende tefa’ ġewwa, u lill-partitarji numerużi Beltin f’dellirju ta’ ferħ, bir-referee Matthew De Gabriele jikkonferma dan il-goal wara li kkonsulta l-FVS.
Hibernians wettqu reazzjoni mmedjata u fis-sitt minuta kienu ferm sfortunati li ma kisbux id-draw meta free-kick mogħti minn Fabian Jankovic ħabat ma’ player ta’ Valletta qabel stampa mal-wieqfa, bil-Beltin jeħilsuha ħafif.
Il-Vallettani reġgħu ħolqu l-periklu fit-33 minuta meta l-Kroat, Roko Prsa, ittanta xortih permezz ta’ xutt mid-distanza.
Huma komplew jiddominaw u fl-40 minuta kellhom ferħa bla temma meta l-player mill-Bosnjan, Emir Bicakcic, mill-viċin tefa’ wara Cardinali, bl-uffiċjal tal-logħba, iżda, wara li kkonsulta l-FVS ħassar dan il-goal minħabba li ġġudika li fl-azzjoni tal-goal, l-istess Bicakcic kien jinsab f’pożizzjoni ta’ offside.
Fil-ħin mizjud tal-ewwel taqsima, il-partita waqfet għal ftit mumenti meta weġġa’ l-midfielder tal-Pawlisti, Alex Sobczyk, biex minfloku daħal jilgħab is-sostitut Ryder Matos Santos Silva.
Sekondi biss mill-ftuħ tat-tieni taqsima, Valletta resqu viċin li jirduppjaw meta Petar Sekulovic venven xutt qawwi biex ġiegħel lil Cardinali jdawwar f’corner biex evita goal ċert.
Huma komplew fuq l-offensiva u fil-51 minuta, Radic kellu x-xutt mid-distanza li ntemm ftit barra.
Il-partita kellha terġa’ tieqaf għal ftit minuti minħabba li ntefgħu xi oġġetti fuq il-pitch mill-istands.
Hibernians bdew iżidu fir-ritmu tal-logħob tagħhom u ft-83 minuta, is-sostitut Jurgen Degabriele fajjar xutt mid-distanza li ġie devjat f’corner. Iżda fl-84 minuta, Valletta ssiġillaw ir-rebħa meta s-sostitut BRANDON PAIBER spara mix-xutt minn tarf il-kaxxa li ma ta l-ebda ċans lil Cardinali.
Hibernians: Matteo Cardinali, Moritz Romling (Duane Bonnici 72) Kurt Shaw, Fabian Jankovic (Mouad El Fanis 64), Joseph Essien Mbong, Jonathan Wahling (Joy Mickels 64), Bjorn Kristensen, Justin N’Zi, Leandro Lautaro Lacunza, Jayden Roe (Jurgen Degabriele 72), Alex Sobczyk (Ryder Matos Santos Silva 49) – Coach: Tugberk Tanrivermis
Valletta: Adilson Maringa, Matthias Ellul (Ignacio Manuel Morello 93), Ermin Bicakic, Andrea Zammit (Keyon Ewurum 69), Jake Azzopardi, Diogo Tavares (Neil Anthony Micallef 93), Roko Prsa (Brandon Paiber 82), Petar Sekulovic, Emmanuel Mosie Mbende, Sava Radic, Thalor Aldama – Coach: Thane Micallef
Referee: Matthew De Gabriele
assistenti: Mitchell Scerri, David Castillo
Raba’ Uff.: Vladimir Rizoski
Skorers: E. M. Mbende 3, B. Paiber 84 (V)
Ammoniti: J. N’Zi (H)
Player tal-Logħba: Mattias Ellul (Valletta)
