Manchester United se jidħlu f’taqtiegħa ma’ Chelsea għall-firma tal-midfielder ta’ Monaco, Aurelien Tchouameni, matul it-tieqa tat-trasferimenti tas-sajf li ġej.
Il-player ta’ 21 sena kien f’forma impressjonanti għall-club tiegħu tal-Ligue 1 matul l-istaġun 2021-22, fejn għamel 29 dehra fil-kompetizzjonijiet kollha, u pprovda żewġ assists fil-proċess.
Chelsea għadhom marbutin ħafna mal-internazzjonali Franċiż, li fadallu sentejn u nofs fil-ftehim attwali tiegħu ma’ Monaco.
Il-Blues huma maħsuba li qed iħarsu lejn ‘l-attitudni u l-ħajja personali’ tiegħu, hekk kif il-ġganti tal-kapitali qed jikkunsidraw li jġibuh fi Stamford Bridge.
Madankollu, Manchester United huma interessati wkoll fil-midfielder u se jippruvaw jiksbu s-servizzi tiegħu matul it-tieqa tat-trasferimenti tas-sajf li ġej.
Kien hemm suġġerimenti li Tchouameni jista’ jħalli l-club f’Jannar, iżda Monaco għamluha ċara li l-Franċiż mhux se jitlaq f’nofs l-istaġun.
Real Madrid, Juventus u Liverpool ġew ukoll akkreditati b’interess fl-ex żagħżugħ ta’ Bordeaux, li għamel seba’ dehriet fuq livell internazzjonali.