Manchester United aċċettaw li Paul Pogba mhux se jkun qed jiffirma kuntratt ġdid mal-club, bil-midfielder se jħalli lil Old Trafford bi free transfer is-sena d-dieħla.
Il-ftehim eżistenti tal-internazzjonali Franċiż mar-Red Devils għandu jiskadi f’Ġunju li ġej, u l-club ilu xi żmien f’taħditiet mal-player ta’ 28 sena dwar estensjoni.
Madankollu, l-aġent ta’ Pogba Mino Raiola dan l-aħħar żvela li ma kien hemm ebda moviment fuq is-sitwazzjoni tal-klijent tiegħu, b’Real Madrid, Juventus u Paris Saint-Germain kollha jżommu għajnejhom fuq l-iżviluppi.
Ir-Red Devils issa aċċettaw li r-rebbieħ tat-Tazza tad-Dinja tal-2018 mhux se jkun qed jiffirma ftehim ġdid.
Man United, fit-teorija, jistgħu jippruvaw ibigħu lil Pogba f’Jannar, iżda t-team ta’ Ole Gunnar Solskjaer lest li jitlef lill-midfielder bi free transfer fi tmiem l-istaġun.
Il-Franċiż mhux se jkun disponibbli għat-tliet logħbiet tal-Premier League li jmiss tat-team tiegħu kontra Tottenham Hotspur, Manchester City u Watford wara li tkeċċa fit-telfa ta’ 5-0 kontra Liverpool fi tmiem il-ġimgħa li għaddiet.
Pogba qabel ħalla Old Trafford bi free transfer fl-2012 biex jingħaqad ma’ Juventus, u qatta’ erba’ snin ta’ suċċess mal-ġganti Taljani qabel ma rritorna mar-Red Devils fi ftehim ta’ £90 miljun.
