Friday, February 23, 2024

Manchester United jikkonfermaw li Antony jista’ jirritorna għat-taħriġ fid-dawl ta’ allegazzjoni ta’ vjolenza domestika

Aqra wkoll

Il-winger Brażiljan ta’ Manchester United Antony se jirritorna għat-taħriġ wara li saru allegazzjonijiet ta’ abbuż domestiku kontrih.

Huwa mifhum li l-player ta’ 23 sena tkellem mal-Pulizija ta’ Greater Manchester nhar il-Ħamis u ma tqiegħdu taħt l-ebda restrizzjoni wara li ġie interrogat. 

Sorsi tal-United qed jgħidu li huwa pprovda evidenza għaċ-ċaħdiet qawwija  tal-allegazzjonijiet.

Huwa ma ġiex arrestat jew akkużat la fil-Brażil u lanqas fir-Renju Unit.

Fi stqarrija, il-club ta’ Manchester United qal: “Il-club iddeċidiet li  Antony jista’ jerġa’ jibda t-taħriġ f’Carrington u jkun disponibbli għall-għażla, filwaqt li l-inkjesti tal-pulizija jibqgħu għaddejjin. 

“Dan se jinżamm taħt reviżjoni sakemm isiru aktar żviluppi fil-każ.”

Antony mhux mistenni jkun fit-taħriġ nhar il-Ġimgħa u mhux se jiġi kkunsidrat għal-logħba tal-Premier League kontra Crystal Palace, f’Old Trafford, is-Sibt.

Huwa tilef erba’ logħbiet minn meta ngħata leave b’paga sħiħa mill-United biex jindirizza allegazzjonijiet li saru minn tliet nisa differenti, fosthom l-eks sieħba tiegħu, Gabriela Cavallin.

L-aġenzija Brażiljana, UOL, ippubblikat allegazzjonijiet fl-4 ta’ Settembru minn Cavallin li fihom akkużat lil Antony li fil-15 ta’ Jannar attakkaha “b’rasu” f’kamra ta’ lukanda f’Manchester, u ħallietha b’ras maqtugħa li kellha bżonn kura minn tabib.

Cavallin tallega wkoll li ngħatat daqqa ta’ ponn f’sidirha, li kkaġuna ħsara fuq impjant tas-sider tas-silikon, li kien jeħtieġ operazzjoni korrettiva.

Imbagħad, segwew żewġ allegazzjonijiet oħra meta Rayssa de Freitas u Ingrid Lana sostnew kull waħda li Antony aggredihom fl-2022 … li huwa ċaħad kategorikament.

Lana, bankiera ta’ 33 sena, sostniet f’intervista ma’ Record TV tal-Brażil li laqtet rasha meta “Antony imbuttaha għal ġol-ħajt” fid-dar tiegħu f’Manchester, f’Ottubru tas-sena l-oħra.

“Minn meta l-allegazzjonijiet saru għall-ewwel darba f’Ġunju, Antony ikkoopera mal-inkjesti tal-pulizija kemm fil-Brażil kif ukoll fir-Renju Unit u qed ikompli jagħmel hekk,” qalu l-United.

“Bħala klabb nikkundannaw kull atti ta’ vjolenza u abbuż.

“Aħna nirrikonoxxu l-importanza li nissalvagwardjaw lil dawk kollha involuti f’din is-sitwazzjoni u nirrikonoxxu l-impatt li dawn l-allegazzjonijiet għandhom fuq is-superstiti tal-abbuż.”

Ekonomija

Sport