Manchester United qed iżommu ħarsithom fuq l-attakkant ta’ Paris Saint-Germain Mauro Icardi bil-ħsieb li potenzjalment jagħmlu offerta għall-Arġentin matul it-tieqa tat-trasferimenti ta’ Jannar.
Anthony Martial qed jimbotta biex iħalli Old Trafford dan ix-xahar, filwaqt li Edinson Cavani huwa wkoll maħsub li hu ħerqan li jħalli l-club, b’Barcelona għadhom marbuta mal-internazzjonali Urugwajan.
Ir-Red Devils jistgħu jagħmlu offerta għal Icardi jekk kemm Martial kif ukoll Cavani jitilqu minn Old Trafford qabel tmiem it-tieqa tat-trasferimenti tax-xitwa.
Ir-rapport isostni li għadu ma kien hemm l-ebda kuntatt bejn iż-żewġ partijiet, iżda Man United għandhom pjan fis-seħħ biex jagħmlu offerta għall-player ta’ 28 sena biex isaħħu l-attakk tagħhom.
Icardi – li hu wkoll marbut b’mod qawwi ma’ Juventus – skorja 38 goal u rreġistra 10 assists fi 82 dehra għal Les Parisiens mill-wasla tiegħu.
Chelsea u Arsenal ġew ukoll akkreditati b’interess fil-player mill-Amerika t’Isfel, li għandu kuntratt mat-team ta’ Mauricio Pochettino sa Ġunju tal-2024.