Mathias Pogba ġie mixli u miżmum fuq allegat kumplott ta’ estorsjoni ta’ flus mingħand ħuh Paul, il-midfielder ta’ Franza u Juventus.
Erba’ persuni oħra tqiegħdu wkoll taħt investigazzjoni formali għal estorsjoni u assoċjazzjoni kriminali, qalu sorsi ġudizzjarji lill-aġenziji tal-aħbarijiet.
L-avukat ta’ Mathias Pogba, Yassine Bouzrou, qal li l-klijent tiegħu huwa innoċenti. Huwa qal: “Aħna se nikkontestaw din id-deċiżjoni.”
Mathias Pogba, 32 sena, ammetta li kien wara filmat li deher online x-xahar li għadda jwiegħed “rivelazzjonijiet” dwar il-midfielder ta’ 29 sena.
Il-prosekuturi Franċiżi fetħu investigazzjoni ġudizzjarja aktar kmieni dan ix-xahar wara li l-eks ta’ Manchester United, Paul, qal li kien fil-mira ta’ estorsjoni u theddid minn gang organizzat.
Huwa ressaq ilment mal-prosekuturi ta’ Turin fis-16 ta’ Lulju fejn sostna li kien fil-mira ta’ komplott ta’ rikatt ta’ €13-il miljun.
