Numru ta’ ħaddiema tad-Diviżjoni għat-Tindif u l-Manutenzjoni matul il-lejl kienu qegħdin jaħdmu biex inaddfu u jneħħu periklu kkawżat mill-maltemp kbir li ħakimna lbieraħ.
Min-naħa tiegħu s-Segretarju Parlamentari għall-Protezzjoni tal-Konsumatur u l-Indafa Pubblika Deo Debattista rringrazzja lil dawn il-ħaddiema li waqt li ħafna minna kienu miġburin fi djarhom wara ġurnata impennjativa bħalma kienet ilbieraħ minħabba ċertu problemi biex jivjaġġaw minn post għall-ieħor, dawn in-nies kienu qegħdin ineħħu ammont konsiderevoli ta’ skart akkumulat mill-maltemp u periklu ieħor.
