Raġel li ġie msawwat b’stikka tal-hockey minn trejner tal-Grand National waqt li kien qed jimxi kelb fuq l-art tiegħu ddeskriva s-sentenza bħala “ħniena żejda”.
Martin Dandridge, ta’ 72 sena, ġie msawwat ripetutament waqt l-attakk bil-lejl f’Llancarfan, Vale of Galamorgan, minn Richard Evan Rhys Williams, ta’ 54 sena, magħruf aktar bħala Evan Williams.
Hu kisser driegħ waqt l-attakk f’Diċembru 2024, u ħallieh b’ “uġigħ kontinwu” f’dirgħajh.
Ix-xahar li għadda, ġurija fil-Qorti tal-Kuruna ta’ Cardiff sabet lil William ħati li kkawża ħsara gravi fuq il-ġisem b’intenzjoni, u kien ingħata sentenza ta’ tliet snin ħabs nhar it-Tlieta.
Waqt dikjarazzjoni dwar l-impatt tal-vittma, Dandridge, minn Swindon, qal li ħaseb li kien “se jmut” waqt l-attakk.
“Dak il-mument għadu ċar f’moħħi” kompla.
Dandridge qal lill-BBC li jemmen li s-sentenza ta’ Williams kienet ta’ “ħniena żejda” minħabba l-karatteristiċi aggravanti fil-każ.
Huwa qal li se jikkontestaha permezz tal-iskema tas-Sentenzi Ħfief Mhux Neċessarji, skema li tippermetti lil kulħadd jitlob reviżjoni tas-sentenzi tal-Qorti tal-Kuruna jekk jemmen li huma baxxi wisq.
L-uffiċjali għandhom 28 jum biex jiddeċiedu jekk jaħsbux li każ huwiex ħafif wisq, u jekk iva, jistgħu jitolbu lill-Qorti tal-Appell biex tikkunsidrah.