Juan Daniel Ramos Galindo ta’ 33 sena mill-Veneżwela nżamm arrestat wara li ġie mixli b’importazzjoni, traffikar u pussess tad-droga kokaina.
Il-każ seħħ l-Erbgħa li għadda meta fil-pussess tal-akkużat instabu 350 gramma kokaina. Fil-Qorti ma ngħatawx aktar dettalji dwar il-każ.
F’dan l-istadju ma saret l-ebda talba għall-ħelsien mill-arrest u għaldaqstant baqa’ jinżamm taħt arrest preventiv fil-Faċilità Korrettiva ta’ Kordin.
Il-Qorti, preseduta mill-Maġistrat Donatella Frendo Dimech, laqgħet it-talba tal-Prosekuzzjoni biex jiġu ffriżati l-assi kollha tal-imputat.
Il-Prosekuzzjoni tmexxiet mill-Ispettur Alfredo Mangion mentri l-Avukat Martin Fenech deher għal Galindo.
