Is-sit Animal Welfare Gozo ftit tal-ħin ilu tella’ żewġ ritratti ta’ kelb li kien għadu kemm instab abbandunat u jidher li ma tantx kien f’kundizzjoni tajba.
Skont dak miktub fuq l-istess sit dan il-kelb għandu 9 snin u ġie abbandunat minn persuna li kienet qed tikri l-istess garaxx li nstab marbut fih.
Jirriżulta li hu tħalla hemm marbut mingħajr ikel u lanqas ilma. Grazzi għal Animal Welfare Gozo dan ġie salvat u issa jinsab taħt il-kura tagħhom.
Iżda jekk din mhux moħqrija fl-aqwa tagħha ma nafux x’tista’ tkun moħqrija. Baqa’ nies bla kuxjenza jew iċ-ċirkostanzi tas-sidien ġabuhom f’sitwazzjoni li ma setgħux jagħmlu aħjar?
