Moise Kean se jħalli Fiorentina u jingħaqad ma’ Como fi trasferiment li jiswa madwar €40 miljun.
Il-ftehim bejn iż-żewġ klabbs tas-Serie A ntlaħaq wara li l-attakkant Taljan ta’ 26 sena għamilha ċara li ried jitlaq minn Fiorentina.
It-tensjoni żdiedet fl-aħħar jiem meta Kean wasal tard għat-taħriġ u mbagħad irrifjuta li jipparteċipa fis-sessjoni.
Din il-mossa tagħmel lil Kean wieħed mill-aktar akkwisti importanti fil-proġett ambizzjuż ta’ Como mmexxi minn Cesc Fabregas.
Il-klabb qed jibni team b’saħħtu biex jikkompeti fl-ogħla livelli tal-football Taljan u fil-UEFA Champions League.
Għal Como, il-wasla ta’ Kean iżżid aktar kwalità u qawwa fl-attakk, filwaqt li Fiorentina se jkollhom isibu soluzzjoni għat-telf tal-attakkant internazzjonali tagħhom.
