Mosta FC huma r-rebbieħa tal-BOV Youth Knock-Out, billi għelbu lil Swieqi United 5-0 fil-finali li ntlagħbet fl-Istadium Nazzjonali.
Swieqi kellhom l-ewwel ċans kmieni permezz ta’ Kian Leonardo, li xeħet ftit barra wara ġirja waħdu, iżda Mosta skorjaw fil-21 minuta meta Russell Caruana xeħet gowl b’daqqa ta’ ras wara żball fid-difiża.
Emmanuel Prince irdoppja l-vantaġġ żewġ minuti wara b’isforz individwali tajjeb. Wara l-mistrieħ, Mosta żammew il-kontroll. Luca Chetcuti għamilhom 3–0 fil-54 minuta, qabel ma Ryan Debono żied ir-raba’ gowl fis-66 minuta. Prince imbagħad skorja t-tieni gowl tiegħu biex issiġilla rebħa kbira. Swieqi kellhom żewġ ċansijiet tajbin, iżda l-gowlkiper Jayden Farrugia għamel saves importanti biex ċaħħad lil Mattia Dezzutto u Kojo Okle, u żgura li Mosta ma jiskurjawx.
Il-logħba wriet l-istandard għoli tal-futbol taż-żgħażagħ f’Malta, biż-żewġ timijiet jagħtu wirja divertenti u kompetittiva. Madankollu, kienu Mosta FC kisbu r-rebħa
Stefan Abela, Manager CSR fil-Bank of Valletta, flimkien ma’ Maria Azzopardi, Viċi President tal-Malta Football Association ppreżentaw it-trofew BOV Youth KO lir-rebbieħa fost ċelebrazzjonijiet mit-tim u l-partitarji.
Il-Bank of Valletta jibqa’ impenjat bis-sħiħ għall-iżvilupp tal-isport taż-żgħażagħ f’Malta, billi jirrikonoxxi r-rwol vitali tiegħu fit-trawwim tat-talent, il-promozzjoni ta’ valuri pożittivi, u t-tisħiħ tal-futur tal-futbol lokali. Permezz tas-sħubija fit-tul tiegħu mal-Malta Football Association, il-Bank ikompli jappoġġja kompetizzjonijiet bħall-BOV Youth KO, li jipprovdu lill-plejers żgħażagħ opportunitajiet sinifikanti biex jikbru, jikkompetu, u jeċċellaw f’ambjent professjonali.