Sid ta’ kjosk f’Wied il-Għajn kienet immultata €2,000 talli ma ħarġitx irċevuta tal-VAT.
Maria Camilleri, ta’ 51 sena miż-Żejtun, tressqet il-Qorti wara spezzjoni li kienet saret mill-uffiċjali tad-Dipartiment tal-VAT fit-22 ta’ Awwissu 2021.
Hija kienet akkużata li bħala l-persuna reġistrata mal-Kummissarju tat-Taxxi naqset milli toħroġ irċevuta fiskali jew tassigura li l-impjegati tagħha jagħmlu dan.
Quddiem il-Maġistrat Yana Micallef Stafrace, Camilleri wieġbet ħatja tal-akkużi kollha miġjuba kontriha u kienet immultata €2,000.
Il-prosekuzzjoni tmexxiet mill-Ispettur Sarah Magri.
