Nicholas Strickland jinsab aktar viċin li jħalli lil Sliema Wanderers b’self matul is-sajf li ġej, hekk kif diversi klabbs diġà qed isegwu mill-qrib is-sitwazzjoni tiegħu.
L-attakkant kien il-captain tat-tim Under 21 ta’ Sliema matul dan l-istaġun, fejn mexxa lit-tim għall-promozzjoni għal Section A filwaqt li spiċċa wkoll bħala l-aqwa skorer Malti tal-kampjonat U21 Section B bi 22 gowl.
L-internazzjonali Malti qed jiġbed interess qawwi minn diversi timijiet, b’ċaqliqa lejn il-Challenge League bħalissa tidher li hija l-aktar destinazzjoni probabbli .