L-aġenti tal-attakkant ta’ Barcelona, Ousmane Dembele, jinsabu f’diskussjonijiet ma’ Manchester United dwar trasferiment potenzjali fis-sajf li ġej.
Iż-żagħżugħ ta’ 24 sena s’issa rrifjuta li jiffirma ftehim ġdid mal-ġganti Katalani, li ppruvaw iċeduh lil xi club f’Jannar li għadda qabel ma jiskadi l-kuntratt tiegħu fis-sajf.
Madankollu, l-iskadenza tax-xitwa għaddiet b’Dembele għadu fuq il-kotba ta’ Barcelona, u l-Katalani issa qed jistennew li l-internazzjonali Franċiż jingħaqad ma’ Paris Saint-Germain fi tmiem l-istaġun.
PSG se jiffaċċjaw kompetizzjoni għall-firma ta’ Dembele, madankollu, bil-kamp ta’ Dembele kien f’diskussjonijiet mar-Red Devils dwar termini personali.
Clubs bħal Juventus u Chelsea huma wkoll meqjusa li jinsabu fit-tellieqa għall-firma ta’ Dembele, b’Xavi dan l-aħħar iħeġġeġ lill-partitarji ta’ Barcelona biex jieqfu jsaffru lill-attakkant waqt il-partiti.
Dembele irreġistra goal wieħed biss u żewġ assists fi 11-il dehra dan l-istaġun u kien sostitut mhux utilizzat fir-rebħa ta’ 4-2 tat-team tiegħu fuq Atletico Madrid nhar il-Ħadd li għadda.
