Ousmane Dembele għamilha ċara lir-rappreżentanti tiegħu li jrid jiffirma kuntratt ġdid ma’ Barcelona minkejja interess minn bnadi oħra.
Il-ftehim attwali tal-internazzjonali Franċiż fil-Camp Nou għandu jiskadi f’Ġunju li ġej, u għadd ta’ clubs, fosthom Manchester United, Juventus u Chelsea, qed jingħad li qed jissorveljaw l-iżviluppi.
Allegatament Dembele ma kienx ħerqan li jiffirma termini ġodda ma’ Barcelona, peress li kien ikollu jieħu tnaqqis fil-paga minħabba l-problemi finanzjarji tal-club.
Madankollu, ir-rebbieħ tat-Tazza tad-Dinja tal-2018 issa indika li jrid jiffirma ftehim ġdid mal-ġganti Katalani, u l-club qed isir dejjem aktar kunfidenti li jista’ jintlaħaq ftehim.
Huwa mifhum li Dembele jinsab ‘komdu’ fil-Camp Nou u jrid jippremja lura lill-Katalani tal-appoġġ morali li tawh fost il-problemi ta’ injury tiegħu.
Iż-żagħżugħ ta’ 24 sena tilef il-bidu tal-istaġun 2021-22 b’injury fl-irkoppa iżda għamel ir-ritorn tiegħu bħala sostitut fit-tieni taqsima fir-rebħa ta’ 1-0 kontra Dynamo Kiev fiċ-Champions League nhar it-Tlieta.
