Saturday, January 22, 2022

Possibbiltá li Man Utd v Brighton tiġi wkoll posposta

Aqra wkoll

Il-konfront tal-Premier League ta’ Manchester United ma’ Brighton & Hove Albion, li huwa skedat għas-Sibt wara nofsinhar, jista’ jiġi wkoll pospost.

Ir-Red Devils kellhom jiffaċċjaw lil Brentford fil-kampjonat nhar it-Tlieta bil-lejl, iżda l-partita ġiet posposta minħabba tifqigħa tal-coronavirus fl-iskwadra, li ħarġet fid-dawl il-Ħadd filgħodu.

Cristiano Ronaldo kien fost is-17-il player tal-ewwel tim preżenti fil-Kumpless tat-Taħriġ ta’ Carrington nhar l-Erbgħa għat-taħriġ taħt il-manager temporanju Ralf Rangnick.

Madankollu, il-logħba tas-Sibt kontra Brighton tista’ wkoll tiġi posposta.

Ir-Red Devils qed ‘iżommu lill-Premier League infurmat’ bis-sitwazzjoni fl-iskwadra tagħhom, iżda ‘għadu kmieni biex tittieħed deċiżjoni’.

Brighton kellhom ukoll problemi dwar il-coronavirus fil-kamp tagħhom, iżda s-Seagulls se kienu fl-azzjoni fil-Premier League kontra Wolverhampton Wanderers l-Erbgħa bil-lejl.

Sport