Iċ-champions renjanti tal-Premier League Ingliż, Arsenal, għelbu lil Chelsea 2-1 f’darhom fl-Emirates Stadium f’derby eċċitanti ta’ Londra.
Chelsea ħasdu lill-partitarji lokali meta marru fil-vantaġġ fit-tieni minuta permezz ta’ volley ta’ Morgan Rogers, li ngħaqad mal-Pensioners dan is-sajf għal £117-il miljun, wara li Arsenal naqsu milli jikklerjaw il-ballun minn free-kick ta’ Reece James. Dan kien l-ewwel goal li Arsenal sofrew f’dan l-istaġun.
Minkejja l-bidu tajjeb, Chelsea sabuha diffiċli biex iwaqqfu l-pressjoni kontinwa tal-Gunners. Emiliano Martinez salva xutt ta’ Bukayo Saka, filwaqt li Jorrel Hato u Wesley Fofana għamlu interventi importanti billi mblukkaw bosta attakki.
Arsenal għamlu l-iskor indaqs fil-25 minuta meta Kai Havertz, eks plejer ta’ Chelsea, għeleb lil Martinez b’xutt preċiż. Chelsea mbagħad kienu viċin li jerġgħu jmorru fil-vantaġġ, iżda Pedro Neto laqat il-lasta wara ġirja individwali.
Arsenal skorjaw il-gowl tar-rebħa fil-50 minuta permezz tal-captain Martin Odegaard, wara xogħol tajjeb ta’ Havertz. Fl-aħħar mumenti, Raya għamel save spettakolari fuq Estevao biex żamm ir-rebħa ta’ Arsenal u kkundanna lil Chelsea għall-ħames telfa konsekuttiva tagħhom fl-Emirates.
