Arsenal kisbu rebħa importanti ta’ 1-0 fuq Liverpool f’Anfield biex temmew sensiela ta’ 14-il sena mingħajr rebħa u b’hekk telgħu waħedhom fil-quċċata tal-klassifika tal- Premier League Ingliż.
Kai Havertz skorja l-uniku goal tal-partita fl-ewwel taqsima wara cross perfett ta’ Declan Rice.
Liverpool ippruvaw jirrispondu, iżda sabu lil David Raya attent, filwaqt li xutt ta’ Florian Wirtz ħabat mal-mimduda.
Fit-tieni taqsima, Arsenal irnexxielhom jikkontrollaw il-logħba u żammew il-vantaġġ sal-aħħar.
Din kienet is-17-il rebħa tagħhom fl-aħħar 20 partita tal-kampjonat u t-300 rebħa barra minn darhom fil-Premier League.
