Liverpool wettqu rimonta biex għelbu lil Brentford bl-iskor ta’ 2-1 minkejja li l-avversarji spiċċaw jilagħbu b’disa’ players.
Wara bidu bilanċjat, Keane Lewis-Potter poġġa lil Brentford fil-vantaġġ fit-44 minuta, meta kkonkluda cross ta’ Igor Thiago fix-xibka. Madankollu, lejn tmiem l-ewwel taqsima, Yehor Yarmolyuk tkeċċa b’karta ħamra diretta wara konfront ma’ Jeremy Jacquet qabel corner.
Fit-tieni taqsima, Liverpool żiedu l-pressjoni u Victor Munoz kiseb id-draw b’konklużjoni preċiża. Alexander Isak imbagħad skorja t-tieni goal biex ta r-rebħa lir-Reds.
Brentford temmew il-partita b’disa’ players wara li Vitaly Janelt tkeċċa fit-tieni minuta tal-ħin miżjud.
B’din ir-rebħa tar-Reds, intemm il-bidu mingħajr telfa ta’ Brentford u għenet lil Liverpool jaqbżuhom fil-klassifika.
