Tliet persuni ddaħħlu l-isptar b’urġenza wara li aktar kmieni għall-ħabta tal-5:00 p.m kienu involuti f’inċident fi Triq Manuel Dimech f’-Ħal Qormi.
Minn stħarriġ illi sar irriżulta li sewwieq għal xi raġuni tilef il-kontroll tal-karozza li kien qiegħed isuq u baqa’ dieħel f’arblu tad-dawl.
Fil-post issejħu minnufih timijiet mediċi, ambulanzi u Membri mid-Dipartiment tal-Protezzjoni Ċivili. Dawn tal-aħħar ħarġu persuni li sfaw maqbudin fil-karozza.
It-triq kellha tingħalaq temporanjament għat-traffiku kawża tad-dinamika tal-inċident.
Aktar informazzjoni kif taslilna…
