Ir-Royal Malta Golf Club organizza ċ-ċerimonja tradizzjonali tal-Captains’ Drive-In, li matulha Tim Cleasby u Maria Camilleri Sandu bdew uffiċjalment il-kariga tagħhom bħala Club Captain u Lady Captain rispettivament għall-istaġun 2026/27.
Fil-preżenza tal-membri, familjari u ħbieb, iż-żewġ captains wettqu l-ewwel drives tagħhom biex jimmarkaw il-bidu tal-ħidma tagħhom.
Iċ-ċerimonja saret wara l-Laqgħa Ġenerali Annwali, li matulha ċ-Chairman Paul Stoner ippreżenta l-viżjoni tal-klabb għall-ħames snin li ġejjin, fosthom titjib fil-clubhouse, investiment f’makkinarju modern u aktar żvilupp tal-korsa.
Matul il-laqgħa, Susan Wibrew, Andrea Hamilton Hill u Kim Borg ingħataw rikonoxximent bħala membri onorarji għall-kontribut tagħhom lill-klabb.
