Minn Cristian Muscat
Proprju fis-sigħat li għaddew tħabbar li Chris Mangion se jkun qed jokkupa r-rwol ta’ Team Manager ta’ Birkirkara FC għall-istaġun li ġej.
Dan wara li Jamie Borg ħalla din il-kariga fil-jiem li għaddew, wara li kien ilu jokkupa dan ir-rwol għal dawn l-aħħar ħames snin.
Qabel ħa dan ir-rwol, Mangion kien jokkupa dan l-istess rwol ta’ Team Manager ma’ Naxxar Lions.
Dan is-sit tkellem ma’ Chris Mangion innifsu fejn tana l-ewwel kummenti tiegħu wara li beda dan jokkupa dan ir-rwol.
Fi kliemu: ‘Qed inħares lejn din il-kariga b’entużjażmu u sfidi ġodda.’
‘Għall-istaġun li ġej, il-mira tagħna se tkun li nkunu kemm jista’ jkun kompetittivi f’kull kompetizzjoni sabiex nerġgħu npoġġu lill-klabb ta’ Birkirkara fejn tassew jixraqlu li jkun!’
