Raġel ta’ 35 sena residenti r-Rabat Għawdex qed isofri minn ġrieħi ta’ natura gravi, wara li lbieraħ għall-ħabta tad-9:30 p.m kien involut f’inċident fi Triq iż-Żewwieqa fil-Qala Għawdex.
Minn stħarriġ preliminari illi sar irriżulta li l-vittma kien qed isuq mutur tat-tip Honda FSH, meta tilef il-kontroll u kellu mpatt ma’ xi barikati li kien hemm fit-triq.
Tim mediku assista lir-raġel u ttieħed l-Isptar Ġenerali ta’ Għawdex permezz t’ambulanza.
L-investigazzjonijiet tal-Pulizija għadhom għaddejjin.
