Dr Randolph Debattista rriżenja mill-irwol tiegħu bħala Deputat tal-Kamra wara li ġie nnominat mill-Gvern biex iservi bħala Ambaxxatur u Rappreżentant Permanenti għal Malta fin-Nazzjonjiet Magħquda.
Din l-informazzjoni intqalet ftit tal-ħin ilu fil-Parlament, fejn l-Ispeaker Anġlu Farrugia spejgat li Debattista kien tah l-ittra tar-riżenja personalment.
Fl-ittra, Debattista qal; “Kien ta’ unur għalja li nservi fl-ogħla istituzzjoni tal-pajjiż; rwol li dejjem qdejt b’rettezza u bi ħsieb wieħed – dak li nirrappreżenta liż-żgħir u lill-vulnerabbli fis-soċjetà”.
