Real Madrid se jiffirmaw lil Kylian Mbappe bi ftehim ta’ qabel il-kuntratt f’Jannar, wara li naqsu milli jakkwistaw lill-attakkant ta’ Paris Saint-Germain dan is-sajf.
Los Blancos aġixxew fuq l-interess fit-tul tagħhom fil-player ta ’22 sena matul l-aħħar ġimgħa tat-tieqa tat-trasferiment, u ppreżentaw tliet offerti f’tentattiv biex jikkonvinċu lil PSG biex ibiegħu wieħed mill-istilel tagħhom.
L-aħħar waħda minn dawk l-offerti waslet fid-data tal-iskadenza tat-tiea tat-trasferimenti u kienet tiswa total ta’ €220m, iżda PSG qatt ma wieġbu għall-approċċ.
Mbappe issa se jqatta’ mill-inqas l-ewwel nofs tal-istaġun fil-Parc des Princes, fejn huwa mistenni li jilgħab fl-attakk flimkien ma’ Lionel Messi u Neymar, iżda huwa ripetutament qal lill-klabb li m’għandux intenzjoni li jiffirma kuntratt ġdid.
Il-ftehim attwali tal-internazzjonali ta’ Franza jiskadi fis-sajf li ġej, li jfisser li jista’ jħalli lill-club bi free transfer u jista’ jiftaħ taħditiet dwar ftehim ta’ qabel il-kuntratt minn Jannar.
Real Madrid issa se jistennew sa dakinhar biex jerġgħu jibdew it-taħdidiet ma’ Mbappe, u li l-ġganti Spanjoli huma mistennija li jakkwsitaw lir-rebbieħ tat-Tazza tad-Dinja tal-2018 bi free transfer fis-sajf li ġej.
Liverpool kienu wkoll marbuta ma’ Mbappe fit-twieqi tat-trasferimenti riċenti, iżda huwa mifhum li Mbappe jrid jingħaqad biss ma’ Real Madrid.
Mbappe diġà skorja tliet goals u pprovda żewġ assists f’erba’ ħarġiet dan l-istaġun, u tella’ t-total tiegħu ma’ PSG għal 135 goal u 63 assist f’175 dehra.
