Il-captain ta’ Chelsea, Reece James, ingħata sospensjoni ta’ partita u mmultat £90,000 fuq inċident fit-tunnel wara t-telfa tat-team tiegħu kontra Aston Villa f’Settembru. Id-difensur ammetta li uża “kliem u aġir mhux xieraq, insulenti u abbużivi” lejn uffiċjal tal-logħba.
Preċedentement kien irrappurtat li l-internazzjonali Ingliż ikkonfronta lir-referee Jarred Gillett. L-FA qalet li James kien ammetta l-akkuża, u r-raġunijiet bil-miktub se jiġu ppubblikati “fl-ewwel opportunità”.
