Malta kisbet riżultat mill-aqwa waqt il-European Kids Athletics Games 2026, li saru f’BRNO fir-Repubblika Ċeka bejn is-27 u t-30 ta’ Awwissu.
It-tim tas-subien (Rush Athletic Club) fir-relay 4x60m kompost minn Thomas Debono, Nathan Bonnici, Jake Caruana u Luke Spiteri, ta prestazzjoni eċċellenti u rebaħ il-midalja tal-fidda b’ħin ta’ 30.52 sekonda.
Dan ir-riżultat kien aktar impressjonanti hekk kif it-tim spiċċa 0.03 sekonda biss ‘il bogħod mill-aqwa marka nazzjonali Maltija.
M’hemmx dubju li din hija kisba sabiħa ħafna għal dawn l-atleti żgħażagħ u mument ta’ kburija għall-atletika Maltija.
