Is-47 edizzjoni tar-Rolex Middle Sea Race tibda nhar is-Sibt 17 ta’ Ottubru. Fl-isfond spettakolari tal-Port il-Kbir ta’ Malta, il-flotta se tibda t-tellieqa taħt is-swar imponenti tal-Belt Valletta. Din it-tellieqa ta’ 606 mil nawtiku madwar Sqallija tgħaddi minn uħud mill-isbaħ xenarji tal-Mediterran, fosthom il-gżira vulkanika ta’ Stromboli.
Tkun fejn tkun fid-dinja, hawn kif tista’ ssegwi dak kollu li jkun qed jiġri:
Segwi l-bidu tat-tellieqa mill-qrib – Is-Sibt 17 ta’ Ottubru, mill-11:00 CEST
Hemm diversi postijiet ideali minn fejn wieħed jista’ jsegwi l-bidu tat-tellieqa, kemm mil-livell tal-baħar kif ukoll minn punti elevati fuq is-swar madwar il-Port il-Kbir.
Segwi x-xandira diretta, kemm online jew fuq it-televiżjoni – Is-Sibt 17 ta’ Ottubru, mill-10:30 CEST
Ix-xandira diretta tibda fl-10:30 CEST fuq il-kanali ta’ YouTube u Facebook tar-Rolex Middle Sea Race, fejn it-telespettaturi jkunu jistgħu jsegwu l-ispettaklu tal-flotta hekk kif titlaq mill-Port il-Kbir, il-Belt Valletta.
Kummentarju bl-Ingliż bl-appoġġ ta’ Yachting Malta
Kummentarju bil-Malti fuq TVMSport+
https://tvmi.mt/live/4
L-Ordni u s-Sekwenza tat-Tluq
Il-flotta ta’ 108 jott hija maqsuma f’seba’ gruppi, ġeneralment skont il-klassifikazzjoni tagħhom, bl-iżjed jottijiet bil-mod jew b’inqas prestazzjoni jitilqu l-ewwel, segwiti progressivament minn dawk l-aktar veloċi u b’saħħithom.
Il-ħinijiet kollha huma CEST:
| Ħin | Klassi | Numru ta’ jottijiet |
| 11:00 | IRC 6 | 22 |
| 11:10 | IRC 5 | 23 |
| 11:20 | IRC 4 | 16 |
| 11:30 | IRC 3 | 17 |
| 11:40 | MOCRA / CLASS 40 | 8 |
| 11:50 | IRC 2 | 12 |
| 12:00 | IRC 1 | 10 |
Segwi l-Pożizzjoni tal-Jottijiet f’Ħin Reali
Segwi kull jott tul ir-rotta tat-tellieqa, qabbel il-pożizzjonijiet u l-klassifikazzjonijiet, u osserva kif l-ekwipaġġi jiżviluppaw it-tattiċi tagħhom matul it-tellieqa.
Sistema ta’ traċċar tat-tellieqa 2026:
Wieħed jista’ wkoll iniżżel l-app YB Races – bla ħlas
Programm Dirett ta’ Kuljum – Mill-Ħadd 18 ta’ Ottubru fid-09:30 CEST
Skopri x’qed jiġri lil hinn mill-klassifikazzjonijiet permezz tal-programm dirett ta’ kuljum, li jinkludi aġġornamenti dwar il-progress tal-flotta, il-kundizzjonijiet tat-temp, it-tattiċi u rakkonti mill-ekwipaġġi, kif ukoll l-aħħar aħbarijiet mit-tellieqa.
Aħbarijiet tat-tellieqa: https://www.rolexmiddlesearace.com/press-releases/
Segwi l-filmati: https://www.rolexmiddlesearace.com/videos/
Ir-Rolex Middle Sea Race fuq il-Midja Soċjali
Matul it-tellieqa, il-kanali uffiċjali tal-avveniment se jkunu qed iwasslu filmati, ritratti, intervisti u aħbarijiet kontinwi.
Instagram: @rolexmiddlesearace
Facebook: Rolex Middle Sea Race
YouTube: @RolexMiddleSeaRace_
TikTok: rolexmiddlesearace
Agħti l-opinjoni tiegħek u kkummenta: Żid @RolexMiddleSeaRace mal-kumment tiegħek jew uża l-hashtag #RMSR2026 meta tippostja r-ritratti, il-filmati u l-esperjenzi tiegħektat-tellieqa.
Is-Sit Uffiċjali tal-Avveniment u r-Riżultati
Għal kull informazzjoni dwar it-tellieqa f’post wieħed, żur www.rolexmiddlesearace.com.
Sir Espert fuq ir-Rolex Middle Sea Race
Organizzatur: Royal Malta Yacht Club
L-ewwel tellieqa: 1968
L-ewwel rebbieħ: Josian (MLT) – John Ripard Sr
Ir-rekord assolut tat-tellieqa: 33 siegħa, 29 minuta u 28 sekonda – imwaqqaf fl-2021 minn Argo (USA), ta’ Jason Carroll, jott tat-tip MOD 70.
Ir-rotta: It-tellieqa tibda mill-Port il-Kbir, il-Belt Valletta, Malta. Il-jottijiet ibaħħru madwar Sqallija kontra d-direzzjoni tal-arloġġ, filwaqt li jħallu fuq in-naħa tax-xellug tagħhom (port) il-gżira ta’ Sqallija, u josservaw l-Iskema għas-Separazzjoni tat-Traffiku Marittimu (TSS) fl-Istrett ta’ Messina. Ir-rotta tgħaddi wkoll mill-Gżejjer Eoljani (inkluż Strombolicchio), il-Gżejjer Egadi (bl-eċċezzjoni ta’ Marettimo), Pantelleria u Lampedusa.
Minn hemm, il-jottijiet jgħaddu mill-Fliegu tan-Nofsinhar ta’ Kemmuna, filwaqt li jżommu lil Malta fuq in-naħa tal-lemin tagħhom (starboard), qabel jaslu fil-linja finali fil-Port ta’ Marsamxett, Malta.
Ustica, Linosa u Lampione mhumiex punti obbligatorji tar-rotta.
L-akbar jott (tul totali): Black Jack 100 – 30.48 metru (100 pied)
L-iżgħar jott (tul totali): Calypso – 9.44 metru (31 pied)
L-akbar jott multihull (tul totali): Luke Seawalker – 18.29 metru (60 pied)
L-eqdem jott: Mowgli – 1960
Numru ta’ jottijiet monohull: 104
Numru ta’ jottijiet multihull: 4
Numru ta’ pajjiżi/territorji rappreżentati: 26
L-akbar numru ta’ parteċipanti skont il-pajjiż:
Italja 16, Renju Unit 12, Malta 11, Ġermanja 9, Franza 9, Awstrija 8, Polonja 8
