Raġel ta’ 51 sena residenti Ta’ Sliema ġie kkundannat ħames xhur ħabs sospiżi għal sentejn wara li tressaq il-Qorti akkużat li spara b’pistola bi żball f’Tas-Sliema.
Fil-Qorti, Antoine Degiorgio kien mixli li f’Marzu li għadda, kelli fil-pussess tiegħu arma mingħajr liċenzja u li fis-sigħat bikrin tal-15 ta’ Marzu għamel ħsara fuq lukanda.
Il-Prosekuzzjoni spjegat lill-imputat bħala persuna traskurat iżda wieħed li jikkopera mal-Pulizija. Ġie nnutat ukoll li l-kondotta ta’ Degorigio hija waħda nadifa.
Il-Qorti, ippreseduta mill-Maġistrat Kevan Azzopardi sabet lir-raġel ħati tal-akkużi miġjuba kontrih u minbarra s-sentenza sospoża, ġie ordnat sabiex iħallas €1,638 lil-lukanda.
