Fis-Serie A, Juventus irritornaw għar-rebħ b’rebħa ta’ 2-0 kontra Parma fl-Allianz Stadium f’Turin.
Nicolas Gonzalez fetaħ l-iskor fit-62 minuta wara li Juventus kienu diġà ħolqu diversi opportunitajiet, fosthom xutt ta’ Francisco Conceicao li ħabat mal-lasta.
Parma ppruvaw jirreaġixxu, iżda d-daqqa ta’ ras ta’ David Romero ġiet salvata mill-goalkeeper ta’ Juventus.
Fit-88 minuta, Teun Koopmeiners irdoppja l-vantaġġ wara pass ta’ Manuel Locatelli.
B’din ir-rebħa, Juventus kisbu s-sitt punt tagħhom minn żewġ logħbiet u telgħu fit-tieni post tal-klassifika tas-Serie A, filwaqt li Parma baqgħu fis-17-il post mingħajr punti wara żewġ logħbiet fil-kampjonat Taljan.
